Page 6 - MIN ON

Protocol firma lo

garantisa permiso mas

lihe pa studiante

Published on April 18, 2017 in Local
ORANJESTAD, Aruba

DIMAS a ricibi bishita di un cadena di universidadnan, HBO y MBO cu a firma un
protocol. DIMAS lo provee na nan un proceso mas lihe pa atende cu permisonan pa
nan docente y studiantenan y tambe diferente tipo di studiante, asina director di DIMAS,
mr. Kathy Ruiz-Paskel a remarca. Tin studiante ta bin pa termino largo, otronan cu ta
bin pa un termino cortico por ehempel un programa di intercambio (exchange program)
y asina ta facilita e parti ey cu ta importante pe conocemento di economia (kennis
economie) cu Gobierno ta stimula. DIMAS tin protocol cu algun universidad caba, pero
awor ta ampliando esaki den tur sector. Nan a incorpora tur y a negocia un cu otro pa
un periodo largo. “Awo nos tabatin e version final pa firma”, asina Ruiz-Paskel a
remarca.

Banda di esun di universidad, DIMAS a cera un protocol cu e sector di cuido medico.
Den e ultimo añanan DIMAS tabatin protocol caba cu Hospital. “Nos a haci un
evaluacion di esaki y diaranson tabatin un version revisa pa firma. Diaranson mainta a
firma e protocol tanto cu sector medico como e sector enseñansa”, asina Kathy Ruiz-
Paskel a remarca. Gobierno, por medio di Minister Michelle Hooyboer-Winklaar,
encarga cu maneho di enseñansa y famia riba nos isla, den su empeño pa habri e
opcionnan di estudio pa mas studiante posibel, ta atrayendo no solamente opcionnan
den extrerior, pero tambe aki mes na cas. Cu e tipo di acuerdonan asina,
Universidadnan lo tin e posibilidad pa atrae mas docente y profesornan pa bini Aruba,
pa tempo cortico of largo, pa por sigui educa nos studiantenan.