Page 11 - MIN ON

Mireille Sint Jago Di MEP: Muchanan Ta Siña Miho

Hayando Les Den Nan Lenga Materno

 Politica
- 17/04/2017

E no ta nada nobo, cu muchanan cu ta haya les na scol primario y scol basico den nan
lenga materno ta siña mas miho. Aruba tin dos idioma oficial di cual un di nan ta wordo
papia na cas pa 67% di nos muchanan. Esey ta Papiamento.

E otro idioma oficial, Hulandes, tin un representacion di 12% na scol basico y un
cantidad di mas cu 30% na Colegio Arubano. (Fuente: Censo 2010).

A base di esey nos por conclui cu conocemento di e idioma Hulandes tin su beneficionan.

Cu nos tin decadanan ta uza Hulandes como idioma di instruccion no kiermen cu e ta e
miho manera pa educa e gran mayoria di nos muchanan, segun Sint Jago.

Aruba mas abou den Reino
Resultadonan ta mustra cu pa e ultimo 6 añanan solamente 15% di muchanan di 6e klas
di Aruba ta wordo admiti pa nivel di Havo, aunke na Curaçao e ta 40% y na Hulanda mas
cu 50%. Pues Aruba tin e resultadonan mas abou.

Na e otro paisnan den Reino, St. Maarten y Corsou nan ta ofrece diferente scol cu tin
idioma Papiamento of Ingles como idioma di instruccion y scolnan cu tin dos idioma
como idioma di instruccion. Na Statia Ingles a bira e idioma di instruccion, door cu e
lenga materno ta Ingles. Na Boneiro Hulandes a bira e idioma di instruccion despues di
10-10-10 y a resulta cu menos mucha cu tin e idioma Papiamento como lenga materno ta