Page 13 - MIN VOS

16 AWEMainta Diahuebs, 8 December 2016

Awe ta cumpli 25 aña cu

RUDY CARTI A SUBI

HOOIBERG 50 BIAHA

DIA 8 di december 1991 ta e fecha cu
e atleta local Rudy Carti a subi Hooiberg
50 biaha den 17 hora. Un record cu ta
existi te awe.

E meta tras di e hazaña no tabata pa sola-
mente set un record nobo pero tambe pa
yuda Fundacion Yuda Bo Prohimo pone
cuminda di Pasco riba mesa di esunnan
menos afortuna.
E preparacion fisico a cuminsa na januari
y na october, Roberto Geerman a cum-
insa un campaña riba radio pa recauda
fondo. Companianan tabata sponsor 5
florin pa cada biaha cu e a subi e cero.
Pa e meta noble aki a registra mas cu 50
sponsor oficial.

E idea pa e hazaña a cuminsa na januari
1991 ora Carti tabata train riba Hooiberg
trempan den mainta hunto cu Ronnie
Richardson. Pa lunanan largo e meta
den training tabata pa forsa e curpa sin
lesion’e.
Pa subi Hooiberg mester di forsa den
pianan y condicion fisico, pero ta ora ta
baha e trapinan, ta e ora ey e impacto di
cada stap tin su efecto rib’e curpa, espe-
cialmente e “joints”.
Tabatin un team di dokter cu a consisti
di dr. Westrate y dr. Bermudez y di ma-
sahista encabesa dor di Bill Buckley. E
evento a cuminsa 1’or di madruga y a
termina 6’or di atardi.
Rumannan Bislick a yuda cu luz den
madruga y tambe cu e conteo oficial.

Durante e mainta a haya un sorpresa
di awacero cu a bruha ful e schedule di
rust y massage y hasta a causa cramp den
pianan dor di e friu.
Na final, tabatin un grupo basta grandi
na pia di Hooiberg pa experiencia e
evento y apoya e campaña. Segun Carti,
e parti mas emocional tabata ora e grupo
a cuminsa canta e himno nacional, un
momento inolvidabel.
Carti kier a gradici di curason tur hende
cu a yuda haci e evento historico aki un
exito.