Page 55 - MIN VOS
P. 55
Jaguars ta laga Aruba Bank Lady Tigers den tereno pa titula
campeon invicto
Wednesday, 07 December 2016 17:01
Comparti
E tremendo torneo HEINEKEN fast pitch femenino a continua jegando su funal unda mester bisa cu e
categoria femenino a brinda publico diferente bunita wega. Den e wega final Jaguars kende tabata invicto
a enfrenta Aruba Bank lady Tigers kende tabata tin solamente 1 wega perdi.
Pues Aruba Bank tabata den un posicion cu e mester a derota Jaguars pa asina forsa un wega desisivo.
Jaguars kende a bini determina no a baha cabez pa e retu. Melissah Daniel kende a inicia pa Jaguars a
bay e ruta completo luciendo riba monticulo saliendo constantemente for di cualkier jam. Rudlyn Ras e
astro pitcher di Aruba Bank tambe a preta brasa y a lansa un wega hopi formidable den un duelo di
pitcheo. Wega a keda empata 2-2 te den ultimo inning unda cu Jaguars riba 2 pass ball ta anota e careda
di “oro” esta e careda pa laga Aruba Bank Lady Tiger den tereno y asina bay cu e titulo maximo di e
torneo. Un torneo exitoso pa asina sera aña 2016 y alaves warm up e equiponan pa campeonato di otro
aña cual ta programa pa cuminsa April 2017 fiho fiho. Box Score final Jaguars 3 careda, 5 hit, 0 error.
Aruba Bank 2 careda, 5 hit, 4 error. Melissah Daniel ta resulta pitcher ganador y alaves ta ricibi e premio
di MVP. Rudlyn Ras ta bay cas cu e derota pero mirando atras riba un tremendo actuacion. Mihor
bateadornan pa Jaguars ta Jenysella Tromp 2-2 y Rachel Henriquez di 2-1. Pa Aruba Bank a luci na plato
Ilajay Tromp, Merely Kootes y Marlin Noguera tur di 2-1.
Aruba Softball Bond kier gradici Subsidie Commissie, Dragon Hitters, Heineken, cuerpo di umpires y
scorers di ASB y tur cu a duna nan aporte, Lidernan di tur equipo y sigur e 4 equiponan cu a competi.
ASB por a nota pitcher nan hoben bou 17 aña riba monticulo durante e torneo manera Shatienne, Zjaika
y Shakira Kock kendenan ta trahando duro pa ta nos futuronan di manjan. Pabien na Jaguars y Aruba
Bank cu nan titulo. Pabien deporte di softball. Danki na tur nos atletanan. Softball den pleno desaroyo.
