Page 81 - ARUBA BANK

“Mayan y otro mayan tin locual nan ta yama stakeholders meetings, pa asina nan por
sinta cu tur esnan interesa y mester haya informacion, pa asina e ora ey indica kico e di
dos fase di e reforma fiscal ta bay ta, cu mester drenta den efecto na Januari di 2020”.

Esaki segun e minister, kende a sigui bisa cu Gobierno ta den deliberacion cu Hulanda
riba e reglanan presupuestario.

El a sigui bisa cu CAft den e rapport a sigui duna un splicacion riba e entradanan di

Gobierno.

“Mester bisa cu e entradanan ta premira riba 51.2% te cu Juni y esaki ta hopi bon”.

“E cifranan cu nos a ricibi pa e luna di Juli, ta indica cu na Juli e ta na 60%, pues e
trend a sigui y esaki ta un bon noticia, pasobra Gobierno ta ricibiendo e sumanan
manera cu a premira”.

Esaki segun e mandatario, kende a sigui bisa cu e rapport di CAft a papia tambe di e
impuestonan directo y indirecto, kico tur a wordo haya.

“Bo ta wak por ehempel cu a haya entrada di invoerrechten cu ta hopi mas positivo cu

e patronchi di temporada”.

“E gastonan di Gobierno tambe ta conteni, esta na 46.9%, pues esaki tambe ta
conforma locual a wordo premira y tambe conforme locual na e momentonan aki

Gobierno por spera y por conta cune”.

Esaki segun Ruiz-Maduro, kende a indica cu pa loke ta e fondo pa e Crisis Plan Social,
te cu aworaki den di 2 cuartal 4.6 miyon florin a wordo gasta.

Esaki ta equivalente na 25% di e 18 miyon cu tin den e fondo pa yuda cu e Crisis Plan
Social.

“Mester bisa cu di e 4.7 miyon aki, 1.4 miyon a wordo gasta na e momentonan aki den
gastonan di personal”.