Page 84 - ARUBA BANK

“Den nan rapport tin para cu e aña aki Aruba lo mester conta cu un deficit di 0.5% (25
miyon florin) y banda di esaki e gastonan di personal por ta un maximo di 479 miyon
florin”.

“Alaves tin e regla presupuestario cu ta bisa cu tanten cu tin deficit, tur locual cu drenta
extra ta bay pa yuda cera e deficit aki”.

Esaki segun Ruiz-Maduro, kende a sigui bisa cu CAft a trece dilanti cu tin un discusion

entre Aruba y e Secretario di Estado Knops, ariba locual ta e interpretacion di e norma
pa locual ta e gastonan di personal di 479 miyon florin.

E discusion ta rond di e gastonan di e Crisis Plan Social, pasobra a pone un fondo

separa pa paga e gastonan di personal.

Door di e extra gastonan aki, Hulanda ta considera cu esaki ta surpasa e 479 miyon
florin.

“Tin hende na Hulanda cu ta pensa cu gobierno a pone un fondo separa pa bay fiesta cu
esaki, es decir pone hende extra pa traha”.

Esaki segun e mandatario, kende a indica cu CAft su opinion ta cu e gastonan di
personal di e Crisis Plan Social mester ta hinca den e maximo di 479 miyon florin,
segun e protocol na November.

Ruiz-Maduro a splica cu Gobierno di Aruba hunto cu Secretario di Estado Knops a yega
na e protocol y CAft no ta forma parti di e discusion aki, aunque e tin su opinion.

“Den CAft su pensamento, si tuma e gastonan maximo di 479 miyon y hinca aden e

Crisis Plan Social, Aruba no ta cumpli cu locual ta e norma di personal, pero manera cu
e ta aworaki, Aruba ta cumpli”, segun Maduro.

“CAft den e rapport ta bisa cu Gobierno di Aruba ta kedando den e cuadro financiero,

manera aproba pa Parlamento”.

“E ta indica si cu te cu aworaki e ta premira cu e deficit ta bay ta mas chikito cu 25
miyon, esta 19.5 miyon florin”.