Page 1 - AWEMAINTA
P. 1
Maart 12, 2019
www.awemainta.com
www.facebook.com/awemainta
noticia@awemainta.com
583-1400
Pa por bishita New York un biaha mas
Minister Xiomara Ruiz Maduro
a crea posibilidad di por
acompaña Evelyn Wever Croes
SUMAMENTE sorprendi nos a keda di
mira con Minister di Finanza, Xiomara Ruiz
Maduro ta pone riba su facebook, alegando
cu: “E siman aki nos (?) ta na New York
pa bishita e companianan di rating Fitch y
Standard & Poor’s p’e evaluacion di e credi-
bilidad financiero di nos pais”.
Pa cuminsa e mandatario no ta splica kende
ta (nos), pasobra normalmente e institu-
tonan financiero aki ta bin Aruba pa haci
nan trabao, unda nan lo kier papia cu e.o.
Banco Central y cu otro departamentonan
gubernamental.
No tabata necesario pa bay New York pa
duna cuenta na e.o. Fitch y Standard &
Poor’s. No por kita nos impresion cu Min-
ister Xiomara Ruiz Maduro ta actua como
“chaperon” di Evelyn Wever Croes, kende
ayera tabata na Nacionnan Uni pa duna un
discurso encuanto hende muher na poder.
No ta prome biaha cu esaki ta tuma lugar,
pero awor a bisa cu ta basta. Pesey bin di
biaha den nos mente, un dicho di difunto
Guillermo Trinidad, kende a yega di bisa:
“Join the MEP and see the World” y awe
mas y mas Guillermo Trinidad mas cu e no
ta cu nos mas, ta hayando razon.
