Page 26 - ATA

Loke un partido of organisacion dicidi, ta depende di e loke a pone acepta como
realidad. E aspecto aki a bini dilanti na 2009 ora Mike Eman a bay eleccion cu
eliminacion di BBO como su cabay di campaña.

E no a logra su proposito. Su promesa na pueblo na 2009 tabata cu ta cuminsa baha
BBO cu mita y despues di un aña ta elimina BBO.

Rapportnan oficial a adverti e tempo cu loke Mike Eman tabata predica no tabata

alcansabel. Sinembargo, el a uza e magia di baha belasting, subi debe cu awe a
rementa riba cabes di Aruba.

Pa e nucleo di votadonan fiel di AVP sin duda tabata dificil pa realisa kico a sosode ora

nan mester a bolbe vota. Mike Eman y sigur e candidatonan mas yega na su persona,
tabata sa cu e situacion di Aruba tabata malisimo na 2014 ora el a bolbe haya bendicion
di su partido y di pueblo pa sigui goberna Aruba.

E pais na 2014 ya tabata rumbo pa bancarota y ya mester a tuma medida pisa, cu
segun rapport no solamente lo tabata e introduccion di un belasting manera BBO pa
scapa AZV, pero tambe baha cantidad di personal di gobierno y introduci belastingnan
nobo.

Mike Eman a opta pa bay yega na un acuerdo cu Nicolas Maduro. Como lider di AVP, cu
tabata su trampolin politico pa e por a bira Ministro Presidente atrobe na 2014, el a
hinca Aruba den un aventura nobo.

Na Cuba el a bay atende su asunto cu Nicolas Maduro y a introduci finalmente Citgo, e
compania Venezolano dirigi directamente pa Nicolas Maduro cu hunto cu otro
miembronan di su regimen a hinca e compania den estado di bancarota.

Mike Eman y e otro gobernantenan tabata sa cu Nicolas Maduro a hipoteca Citgo ora
nan a firma e acuerdo. Nan tabata na haltura di e problema serio cu nan tabata hinca
Aruba aden y e situacion mundial peligroso den cual Citgo como baca di lechi di Nicolas

Maduro tabata central.