Page 27 - ATA
P. 27
Ta exactamente un aña pasa, ora Nicolas Maduro no kier a bisa e berdad di Citgo y ya e
crisis Venezolano tabata rementa, cu nos a bay for di cuminsamento di e proyecto Citgo
y guia Aruba te awe cu informacion cu lamentablemente tabata berdad.
Awe e inmensidad di e aventura di Citgo ta explota pa mundo. Citgo no ta ningun
opcion pa Aruba.
Pa e partido AVP sin duda e situacion ta crea un sabor amargo. Ta keda sinembargo na
AVP pa dicidi kico e ta haci.
Mike Eman a duna prueba cu e no por ta lider. E solo hecho cu e no a haya mayoria den
Parlamento tabata motibo pa e no sigui lucha pa Aruba den Parlamento pero pa e laga
Shete Mil votado di AVP na caya.
For di eleccion 2017, Mike Eman a bandona e liderazgo di e partido den e organo
legislativo di Aruba.
Awe palabra ta na AVP, cu mester dicidi kico e kier. E partido tin cara nobo. Falta dos
aña pa eleccion.
Pa Aruba ta dificil pa acepta con Mike Eman a hinca e pais den un situacion desastroso
y un crisis severo.
Ta na partido AVP pa lanta para y bolter e situacion pa e partido mes y pa Aruba. Ta na
partido AVP pa nombra lider nobo cu capacidad y integridad. Ta na partido AVP pa dicidi
riba futuro di e partido na un Aruba cu no kier mas aventura.
https://www.diario.aw/2019/07/avp-mester-pone-fin-na-aventura-y-eligi-un-lider-nobo/
