Page 18 - KPA

Dos persona herida den accidente na Jaburibari,

caminda tawata tin tres auto envolvi

19 hours ago 0 56 Views
Jaburibari – Diahuebs atardi den careda di 6’or un accidente ta sosode dilanto Tesco
Supermarket na Jaburubari.
E accidente tawata entre tres auto y cu a resulta den dos persona herida.
E vehiculonan envolvi ta un Altezza un Pick up y un Taxi.
Na e sitio nos por a compronde cu e Altezza lo ta bin di panort y e pick up lo a bay bira na e
caminda di tera, aki ta caminda e Altezza posiblemente a bay maniobra y ta dal e pick up. E dos
ocupantenan di e pick up na yegada di polis tawata drumi ariba e tera, no ta mucho duidelijk
pakiko of ta con ela pasa.
E pick up na su turno debi di e impacto ta hala na su man robes y dal e Taxi.
Ambos ocupante di e pick up a resulta herida, uno poco mas serio cu e otro.
Ambulancenan cu a presenta a transporta ambos herido pa hospitaal.

Polisnan a bay cu urgencia un adres na Catiri,

diahuebs mainta

20 hours ago 0 62 Views
Catiri – Den oranan di mainta varios patruya a dirigi nan mes pa un cas na Catiri, caminda
aparentemente tin un antisocial den e cas y un dama y su yiu ta scondi den kamber.
Den algun minuut patruyanan a yega na e cas. Mes ora nan a cuminsa controla rond, pero no ta
bin topa nada straño.
Un rato despues nan ta wordo splica cu e persona, cu ta un hende homber lo a ranca na e man di
e porta pa drenta pero no a logra.
Unico cos cu e dama por a logra wak ta, e t-shirt blanco di e homber, cu despues a bay di e sitio
tambe. Polisnan a tira bista, pero no a bin topa cu un persona cu t-shirt blanco.
Tipo di casonan aki lo keda pasa, tanten cu tin asina hopi atraco, cu e poblacion ta bira mas
atento y ta yama polis hopi lihe mes ora nan nota algo cu no ta bon.