Page 23 - KPA

SETAR hunto cu Minister

Arends,de Meza,

abogadonan local y

internacional a splica

caso di fraude grandi

den SETAR

Published on March 24, 2017 in Economia
ORANJESTAD, Aruba

Esun cu e comete e fraude y su complicenan ta wordo persigui pa husticia
Mericano Minister de Meza, Minister Arends, director di Setar Roland Croes y
abogadonan di Setar na Aruba y na Merca, Patrick Brown y Benton Curtis, a tene un
conferencia di prensa den cual nan a informa – te con leu ta permisibel huridicamente
– riba e situacion na Setar di un supuesto fraude di miyones cometi pa un empleado
hunto cu su complicenan y e investigacion andando al respeto. E fraude a tuma lugar
na Merca y ta pesey cu tin un abogado Mericano envolvi, tambe pasobra e caso penal
ta bay ta na Florida. A yama e rueda di prensa pasobra e siman aki a habri cu hopi
pregunta y frustracion di loke ta pasando.

Minister Richard Arends

Minister Arends, actual minister di comunicacion, a bisa cu e siman aki a keda publica
cu tin un procedura legal tumando lugar na Miami pa loke ta trata un desfalco di cual
Setar ta victima di dje dor di entre otro un di su empleadonan. “Na april 2016 e ‘Panama
Papers’ a sali na cla y e lista di Aruba a bira publico. Riba e lista ey tabatin algun
nomber cu a yama atencion di gerencia di Setar ya cu ta trata di un empleado di e
compania nacional di comunicacion.” Minister Arends a splica cu a base di e
informacion aki a start un investigacion unda Minister de Meza, e tempo ey encarga cu
e cartera di comunicacion a wordo poni na haltura mescos tambe Richard Arends, hefe
di su despacho e tempo ey. “A start un investigacion profundo y a base di esaki tabatin
argumentonan suficiente pa por a cuminsa un caso hudicial.” Arends a splica cu Setar
mesora a reinforsa institucionalmente e proceduranan di aanbesteding y a haci otro