Page 29 - AWEMAINTA

AWEMainta Diaranson, 22 Februari 2017 29

Morto den trafico

WILLEMSTAD – Diamars 21 di februari 2017,
alrededor di 6:45am, Central di Polis a dirigi un pa-
truya na Caracasbaaiweg pa un accidente entre un
auto y un brommer.

Na yegada di e patruya, nan a bin topa un homber
drumi abou cu un kap na su cabes cu tabata sangra
bastante. For di un investigacion preliminar cu Polis
a realisa n’e sitio, a sali na cla cu chauffeur di un auto
cu tabata core riba Caracasbaaiweg den direccion
di Saliña, a bay lora na su man robes na altura di e
crusada cu Sòrsaka.
Net na momento ey e chauffeur di e brommer a trata
di pasa e auto na man robes. Dor di acto aki e brom-
mer a bay dal den e parti dilanti di e auto y chauffeur
di e brommer a perde control rib’e vehiculo y a dal
su cabes contra di un ‘vangrail’.

Alrededor di 8:30am, dokter di Polis a constata morto
di e motociclista, e homber Noah Daniel Guy Des-
jardins naci na Canada 24 di december 1989. De-
partamento di Trafico ta continua cu e investigacion.