Page 2 - Djaluna 3 september 2018.pdf

2 Djaluna 3 Sèptèmber 2018
Segun Inspektor Jan Huurman na EXTRA

Tin “palabrashon

kla” entre Sehos

i Inspekshon

Tabatin “dwangsom” di mei mion pa
reinstalá siruhano M.

WILLEMSTAD.-
Spesialista M. te ku e fin di
siman ku a pasa no tabata
registrá riba e lista di
kambernan di operashon,
aunke esei no ta nifiká ku e
lo no ta bèk. Di otro banda,
1e di sèptèmber 2018 a pasa
i e medidanan di Inspekshon
di Salubridat lo tin di drenta
na vigor. Pero EXTRA tin
di asumí ku e kaso di e
siruhano i spesialista M. ta
‘status quo’, esei teniendo
kuenta e reakshon ku nos
a risibí ayera di Inspektor
sr. Jan Huurman. E fecha di
1e di sèptèmber 2018 a ser menshoná dor di Inspektor
komo e ultimatem pa
restablesé e siruhano den
su funshon dor di e hunta di
supervishon di Sehos. Den
e kaso aki el a stipulá un
but di 10 mil florin pa kada
dia ku keda sin kumpli ku e
fecha, te ku un máksimo di
500 mil florin.
Teniendo kuenta ku e
fecha ariba menshoná,
EXTRA a hasi kontakto ku
sr. Huurman via di mensahe
di Facebook.
Jan Huurman:
Nos a puntra sr.
Huurman si e siruhano
a keda reinstalá den su
funshon, pero esaki tabata
masha breve informando
nos ku tin “palabrashon
kla” hasí den e kaso aki.
Lógikamente nos a puntra
ta kiko t’e palabrashonnan
den liñanan grandi, pero
sr. Huurman a preferá di no
bai den detaye suprayando
ku esei ta loke tin den
liñanan grandi, pues ku tin
palabrashon kla! EXTRA
a haña informashon ku
siruhano M. te ku den fin
di siman no tabata registrá
ainda pa intervení den
Kamber di Operashon.
Sr. Huurman ta papia
aki di un medida i ku e ta
hasié pa motibu ku Hunta
di Direktiva di Sehos for
di momentu ku e rapòrt a
sali dia 31 di yanüari 2018
i ku M. a defendé, a dura
muchu largu pa restablesé
i normalisá e relashonnan
den Sehos. Esaki ta trata
Sigui lesa pagina 41