Page 6 - Djaluna 3 september 2018.pdf

6 Djaluna 3 Sèptèmber 2018
Aliansa

Rèspèt pa hende muhé

no ta konta solamente

pa den Parlamento

WILLEMSTAD.- Aliansa,
e organisashon ku ta
representá 21 organisashon
no gubernamental, ku
asombro a tuma nota di e
ekspreshon bulgar i falta di
rèspèt di un parlamentario
a dirigí na un hende muhé
parlamentario.
Esaki ta un biaha mas
otro prueba di un kultura
ku apesar ku nos ta kere
ku hende muhé a logra tur
kos kaba i tin un igualdat
apsoluto na hende hòmber
aviso@extra.cw lamentablemente no t’asina.
E ekspreshon aki ta
forma parti di un struktura di desigualdat di trato di
hende muhé versus hende
hòmber den nos komunidat.
Ta husga e hende muhé, ta
manch’é, ta ridikulis’é, ta
kalumnia, ta bira personal
i tin biaha ku yudansa
di hende muhé mes pa
entre otro ku e tabata tin e
kurashi pa drenta den arena
polítiko.
Komunidat ta husga e
hende hòmber mucha mas
ménos ku e hende muhé pa
loke e hende hòmber bisa.
E diskushon ta keda na e
tópiko òf tema i mayoria di
biaha no ta hinka su bida
personal aden.
Imágen di hende muhé
lo no kambia tanten hende
hòmber no kambia e manera
ku nan ta wak hende muhé;
esta, komo un opheto
seksual. E mesun hende
muhé ku por ta nos mama,
nos partner, nos ruman, nos
yu òf nos tanchi. Apesar ku
komunidat pensa ku nos
propio mama, nos partner,
nos ruman, nos yu òf nos
tanchi no ta for di òrdu, tòg
komunidat ta keda husga
hende muhé komo un
opheto seksual.
Ta p’esei Aliansa ta
kondená e ekspreshon
di e parlamentario
sevéramente; no solamente
den parlamento pero tur
kaminda, inkluso skina di
hanchi.
Aliansa ta hasi
un yamada na tantu
parlamentarionan femenino
komo maskulino ku ta
solidario ku e kousa pa
logra real igualdat entre e
seksonan pa sostené Aliansa
den su esfuerso pa logra ku
ta yega na implementashon
di Plan Nashonal pa
Kombatí Violensia
Sigui lesa pagina 41