Page 23 - AAA

Minister Mike de Meza: Ta premira den prome kwartaal toch
un aumento grandi pa e sector di turismo crucero na Aruba

Thursday, 12 January 2017 21:38
Comparti

Minister Mike de Meza a bira minister di turismo tambe. Y a mira cu na momento cu ta drentando, e
caidanan pa loke ta cifra di turismo a cuminsa bay atras, resultado di 2016 no ta asina positivo. E ta
notabel y ta sinti'e tur caminda. Con ta bay atende cu e situacion aki awor cu tin un tarea nobo ta e
pregunta na minister de Meza.

El a splica cu den 2016 tin su retonan riba e nivel di turismo den e sentido cu ta mira den e cabamento di
aña, comienso den e di cuater kwartaal sigur sigur indicacionnan tabata tey y tambe na cuminsamento
den e di cuater kwartaal pero na cabamento den e di tres kwartaal por a mira indicacion cu toch e
cifranan a cay. Un di e factornan grandi den esaki ta e participacion den e sector turistico pa e turistanan
cu ta bin for di Venezuela, cu ta un parti grandi mayor di e caida aki. Nos tur sa e rasonnan di esaki. Pero
ta asina si cu e concentracion cu como Gobierno y tambe conhuntamente cu ATA y tin cu bisa cu AHATA
tambe, ta enfoca hopi riba mercadonan conoci cu nos tin y cu semper a sostene e sector aki na Aruba, tin
e otro regionan cu ta nobo y turistanan tin concentracion riba dje, pero awor aki e ta menos getarget riba
e areanan nobo y e areanan cu semper tabata carga e base di turismo di Aruba, ta caminda cu ta bay
enfoca y ta enfocando mas riba esaki y ta poniendo mas placa den esaki tambe. Tin algun cambio cu lo
tuma luga y ta asina cu den cabamento di aña pasa, de Meza hunto cu su coleganan, casi voltalig
ministerraad a sinta cu e board di AHATA a trece diferente punto dilanti, a discuti diferente
preocupacion cu AHATA mes tabata tin tambe y a yega na un acuerdo cu lo percura cu ta traha hunto
pasobra na fin di dia turismo bay bon, e ta bay bon pa tur hende, e ta bay bon pa e hotelnan y pa Aruba
cu sigur sigur ta un prioridad den esaki. Ta enfoca awor aki hopi pa tur discuti locual ta e prioridnan pa
keda engrandece nos turismo y percura cu tin un turismo sostenibel tambe cu esaki lo por carga e
economia di Aruba.