Page 24 - AAA

Reunion entre minister Mike de Meza y DTP a bay hopi bon

Thursday, 12 January 2017 21:31
Comparti

Minister Mike de Meza tabata tin un reunion cu departamento di transporte publico. El a splica cu diaranson el a
haci un bishita na e centro di transporte publico hunto cu director sr. Gerald Ketteldijk. A haya un presentacion di e
compania cu ta trahando riba e sistema di nan di automatisacion y essey a bay hopi bon y interesante.

Ta un sistema hopi avansa cu ta bay yuda den produccion y eficiencia di e departamento. Despues a toca diferente
punto di by Advertise"> importancia pa e departamento di transporte publico y tambe a bishita diferente
trahadonan cu ta traha na e mesun departamento aki. E ta asina cu departamento di transporte publico ta un
departamento sumamente importante, ta esunnan cu ta wanta nan mes bezig cu transporte general na Aruba cu ta e
autobusnan, e taxinan, busnan grandi. Tambe autonan cu ta wordo verhuurd of motorfietsnan cu ta wordo verhuurd
na Aruba y tin diferente trabao grandi na caminda. Trabao di control, con ta combati tambe pirateria den e sector aki
y a discuti diferente parti den esaki. Tabata un reunion sumamente interesante y importante. El a bay hopi bon
segun e minister.

Preocupacion

Tabata tin preocupacion cerca e taxistanan. Segun e minister, tin diferente grupo di taxi cu en berdad a acerca e
minister y a trece nan preocupacion padilanti cu a discuti y a haci promesa na nan cu na comienso di e aña nobo lo
sinta cu e diferente gruponan aki y si ta posibel cu tur e taxistanan y papia riba e diferente preocupacionnan cu nan
tin. A palabra di bay haci esaki un di e dianan aki. Pero tin diferente pregunta riba diferente topico. Manera ora ta
papia di taxistanan cu despues cu nan caba e trabao di taxista, no tin un sistema di pensioen regeling pa nan. Tambe
tabata tin discusion riba un MB cu den pasado a wordo ehecuta y nan discusion riba ep untonan cu ta den e MB aki
cu nan tambe ta mira cu ta algo cu nan kier discuti riba dje.

E minister a bisa cu e ta habri pa tur e topiconan aki, cu di nan parti ta di importancia cu por toca esakinan
libremente. Y tin mas hopi punto riba e lista pa nan preocupacionnan y mescos a pasa cu diferente di e doñonan di
autobus cu a acerca e minister, cual el a papia cu nan na fin di aña y a yega na un acuerdo cu na cuminsamento di
aña tambe cu lo sinta cu e chauffeurnan pa scucha cosnan bo y pa scucha cosnan menos bon y preocupacionnan cu
tin y con esakinan por wordo resolvi.

Tin toch e confiansa di bisa y e speransa cu ta sigur cu por sali for di tur e puntonan aki. Esey a bay sumamente bon,
e minister a splica.