Page 21 - ATA

Minister Mike de Meza a asisti na celebracion di 40 aña di
Aruba Beach Club

Monday, 01 May 2017 15:24
Comparti

Aruba Beach Club orguyosamente a celebra 40 aña di existencia riba nos isla. Tempo cu a construi'e, Aruba Beach
Club tabata e di 8 hotel "timeshare" na mundo y e prome pafo di Merca! Awendia e hotel ta contene 85 empleado y
como 3000 miembro. Aruba Beach Club ta sirbi huespednan cu ta bini tur aña Aruba for di tempo cu nan tabata
mucha y awe ta sigui bin cu nan yiunan y nietonan.
Minister Ing. Mike de Meza encarga cu maneho di Turismo, Transporte, Energia y Medio Ambiente a atende e
evento di celebracion y a topa eynan cu Cindy Martorella, kende ta Vice Presidente di e Hunta di Directiva di e hotel.
Hunto cu e empleadonan a celebra e 40 añanan di existencia, di crecemento y di exito. Tambe a felicita e Gerente
General di e hotel, Farida Mansur. Tambe tabata presente Raymond Maduro, kende tabata e visionario y a cuminsa
cu e industria di “timesharing” na Aruba.
Durante e evento nan a honra Farida Fargo, e Laundry Manager, cu a cumpli no menos di 39 aña trahando sin
interupcion cu e hotel.
Minister Ing. Mike de Meza a felicita tur e trahadonan y a celebra cu nan e logro aki. Pabien!

http://www.24ora.com/index.php?option=com_content&view=article&id=121332:minister-mike-de-
meza-a-asisti-na-celebracion-di-40-ana-di-aruba-beach-club&catid=1:local&Itemid=5