Page 26 - ATA

Oficina di turismo di Corsou drechando e playanan pa e
habitantenan mes disfruta di nan pais

Monday, 01 May 2017 19:29
Comparti

Nos a papia cu vocero di Oficina di Turismo na Corsou, Jeanine de Windt,
kende a conta di e cambionan cu oficina di turismo di Corsou, ta haciendo esfuerso pa drecha e area di
Playa Piscado na Westpunt pa tur hende por gosa di dje.
De Windt a splica cu e Curasoleñonan mes ta turista di nan mesun pais. Ta e dushi cu por disfruta di bo
mesun isla.
Tabata tin algun siman caminda cu nan tabata basta ocupa, entre otro semana santa cu tabata uno
basta largo. Y tambe e fin di siman di 5 dia liber. Esey kier pa e turistanan por disfruta y tambe
experencia loke e habitantenan mes ta disfruta di Corsou.
Corsou no tin un lama largo manera tin na Aruba. Eynan na Corsou nan tin hopi bahia y loke ta
haciendo, ta drechando nan. Por a mira esey tambe na Knip Baai, Playa Kalki, Playa di Forti. Tur e
playanan, e bahianan ta drechanan haci e specialidadnan cu e turista tin mester. Manera un baño, un
stoel cu e por sinta, cu e por relax, pero keda toch autentico, manera cu Corsou ta.
E uzo
E area ta wordo uza pa tanto turista como local. Den e parti di Marie Pampoen tambe nan a drech'e,
haci manera un boulevard, caminda e hendenan mes di Corsou, tambe por bay un atardi, anochi landa
eynan, haci nan fiesta y e turistanan, ora cu nan bin, cu nan tambe kier algo otro, no solamente na
lama, no solamente cana den Punda, pero den Pietermaai tambe. Ta echt drechando. E aña aki ta haci
20 aña cu Corsou ta riba lista di Unesco. Na November awo tin un conferencia hopi grandi y ta invita
pueblo di Aruba bin y celebra na Corsou. Ta paisnan grandi manera India, cu Taj Majal y China, cu Great
Wall, ta riba lista di Unesco. Corsou ta contento cu nan tambe ta riba lista di Unesco y ta keda mantene.
Y esey ta keda haci pa e turistanan, experencia loke ta autentico di Corsou.
Intercambio
Si mira na Playa Piscado, por mira cu tin hopi diver ta bin. Ta un luga hopi great pa duik. Nan mes
tambe ta bin eynan y bin cumpra nan pisca. Si nan no bay pisca, nan ta cumpre eynan. Hopi biaha nan
ta bay hunto cu e piscadonan y pisca den e boto, pa nan mes purba di cushina. Nan ta purba di haya
receta y busca di sa con ta traha soppi di Playa, con ta hasa, con ta haci funchi. Ta mira e intercambio.
Esey ta loke cu kier tambe. Pa ora cu nan bay bek, cu nan mes por bisa cu nan tabata den e yiunan di
Corsou.
Kico por spera
Oficina di Turismo tin un masterplan cu ta bay concentra hopi riba Merca. Europa, Hulanda ta nan