Page 40 - Djasabra 1 Desember 2018.pdf

42 Djasabra 1 Desèmber 2018
Kontinuashon di pagina 40
Derecho di voto aktivo/

Curtley Obispo e derecho
di voto na Kòrsou ta regla
den artíkulo 6, 43 i 48 di
Areglo di Estado di Kòrsou.
Artíkulo 6 ta indiká ku:
”residentenan di Kòrsou ku
nashonalidat ulandes, tin
derecho igual di skohe nan
miembronan di órganonan
representativo general i
tambe keda skohe komo
miembro di e órganonan
aki, eksepto limitashonnan
stipulá mediante ordenansa
nashonal”. Artíkulo 43 ta
indiká ku: “residentenan
di Kòrsou ku nashonalidat
hulandes ku a alkansá
e edat di 18 aña ta elegí
miembronan di Parlamento
di Kòrsou direktamente”.
“Ta ekskluí di derecho di
voto esnan ku pa motibu
di a kometé un delitu
indiká mediante ordenansa
nashonal, a keda kondena
pa medio di un veredikto
hudisial irevokabel na un
kastigu di privashon di
libertat di por lo ménos 1
aña i alabes a keda destituí
tambe di su derecho di
voto”. Lei Elektoral di
Kòrsou ta regla den artíkulo
48. Aki ta indiká ku ta regla
tur asuntu, ku ta konserní
derecho di voto i elekshon,
mediante ordenansa
nashonal.
Resumiendo pues kada
persona riba 18 aña ku tin
nashonalidat ulandes i ta
residensia na Kòrsou tin
e derecho igual di skohe
miembronan di Parlamento
di Kòrsou i tambe tin e
derecho di keda skohe komo
miembro di Parlamento
di Kòrsou, eksepto segun
limitashonnan stipulá den:
(1) artíkulo 43 insiso 2 di
Areglo di Estado di Kòrsou i
(2) e lei Elektoral di Kòrsou.