Page 11 - MIN ON

Como cu pobresa por causa cu mas mucha por bira victima di negligencia y
abuso sexual, eynan tambe tin un trabou grandi pa un Gobierno. Locual m’a
ripara campañando cas pa cas, ta cu na Aruba tin hopi pobresa. Asina hopi cu
hasta e hendenan di mas recurso cu sa yuda comunidad ta keha, pasobra e
demanda a crece den kwadraat.

P’esey nos lo mester ataca situacionnan cu mas tanto ta un tera fertil pa abuso
di mucha: pobresa. Lo mester bin cu ayudo special pa mayornan cu ta sin
trabou, pero tambe ofrece nan un cuido pa nan yiunan cu ta adecua.
Specialmente tambe, dor cu tin hopi famianan divorcia, p’e mayornan soltero cu
no tin un circulo di cuido rond di nan.

Esaki lo mester ta un esfuerso di diferente organisacion hunto: sea nan ta
religioso, sea e ta un scol, un organisacion di cuido medico y tambe e
empresanan por yuda den esaki. Gobierno un biaha mas mester sostene, facilita
y controla esaki. Nos no ta e prome ni e ultimo pais cu kier logra combati e
problemanan aki y aki 4 aña mi lo kier wak e prome resultadonan, Sinta Jago ta
expresa.

Un hubentud sano y sigur
Ami mes a experiencia personalmente con duro e ta pa lanta bo yiunan como un
mama soltera. Cu awor mi por bisa cu ami ta un mama di un yiu homber cu ta un
Ingeniero den IT, ta yena mi cu hopi orguyo. Pero tambe e ta haci mi dolor pa
wak cuanto mucha na Aruba ta sigui sufri. Cuanto mayor ta haya nan mes den
situacionnan caminda proteccion di nan yiunan lo encera scoge entre dos
situacion malo: Sin un ‘vangnet’ social nos no por logra ofrece tur tur mucha na
Aruba un hubentud sano y sigur. Mi tin fe cu pueblo di Aruba lo ta hopi mas
consciente ora di vota. Pa mi, esey ta primordial, Sint Jago ta enfatisa.

No keda sin vota p’asina un minoria dicidi e futuro di nos tur. Haci uzo di bo
derecho pa vota. Ban laga idealismo vence materialismo dia 22 di september.
Hunto nos por logra e cambio cu cada mucha na Aruba merece pa nan por biba
sigur y sin miedo!, Mireille Sint Jago ta conclui.