Page 10 - MIN ON

Abuso di mucha ta inclui abuso emocional, violacion sexual y maltrato y
accidente intencional cu herida. Ainda falta pa e cifranan di embaraso hubenil
baha drasticamente.

Un otro consecuencia di negligencia y abuso sexual di mucha, segun Mireille
Sint Jago.

Si nos no cuida tur tur mucha den nos comunidad awe, nos lo mester biba cu e
consecuencianan mayan. Si un mucha cu a wordo maltrata of abusa, bira un
violador como adulto, e problema nunca lo caba. P’esey nos mester uni como un
comunidad pa proteha nos muchanan. Tur mucha ta conta! Hunto nos tin cu bay
p’e cambio, Sint Jago ta splica.

Con pa baha abuso di mucha
E prome maneranan pa baha abuso y negligencia di mucha, ta hisa e
conocemento di ‘desaroyo normal di mucha’. Esaki ta algo cu ta den man di un
Gobierno.

Lo mester ofrece curso pa pueblo en general. Pasa programanan educativo na
television y riba internet. Gobierno mester facilita tur organonan cu ta traha cu of
pa mucha e oportunidad pa tin material educativo. Recapacitacion di e
profesionalnan mester ta algo structural. Ademas, mester percura pa amplia e
abilidadnan di e mayornan pa por participa na programanan di cuido di un mucha
di calidad. Ofrece sosten den e forma di creche cu ta ofrece un cuido di calidad
halto.

Nos mester di un comunidad cu ta cuida tur, si… TUR muchanan. Cuido di un
mucha, no ta e trabou di e mayornan so, e no ta e trabou di e scolnan so, ni di
trahadornan social, Polis of un Gobierno su so… E ta un responsabilidad di
henter un comunidad. Mescos cu un curpa tin mester di diferente organo pa
funciona optimal, nos tur mester traha pa cuida nos muchanan pa nos pais por
funciona optimal. Tur mucha ta conta y tin derecho pa crece den un ambiente
sigur, Sint Jago ta mustra.

Combati pobresa den nos comunidad