Page 27 - Djasabra 18 ougustus 2018.pdf

Djasabra 18 Ougùstùs 2018 27

Mansaliña
Den Dunki tin un reino di mansaliña. E área ei no ta
bon pa kana den dje ora awa ta kai pasobra e awa ku
ta lèk di e palu ta kima. Antes ora ta blancha kas ta
kima koral i esei nan tabata hasi huntu ku pal’i di
mansaliña. Un mito ántes tabata bisa ku komehein
no ta gusta pal’i mansaliña, pero esei no ta kuadra.
Tambe indjannan tabata us’e komo manera pa tortura
e spañónan. E ta tambe e frontera di e parke i einan tin
tambe un palu di mespel ku ta masha poko a keda den
e parke. Promé bals a keda inspirá pa e palu di mespel.
Un merikano ku a bai ku fakansi Perú a konosé e
Majas i einan a mira nan ta ko’i algu. Ora el a bai
chèk nan a mustr’é ku ta e palu di mespel ta saka un
supstansia/lechi. E lechi ta keda kushiná, saka e awa
for di dje i e ta bira manera bals. I si meskla menta
den dje e ta haña sabor di menta. Asina a sali e bals
Chiclets ku por sierto ta e promé marka di bals. Palu di
mespel ta stima awa sushi i mas sushi e awa ta mas
zut e fruta ta.

Pal’i Mangel
Despues di e mondi di mansaliña, nos ta yega na e
área di e saliñanan/zoutpannen.
Nos a yega nèt na e kuminsamentu di e saliñanan. I
for di aleu Anais a duna un splikashon kòrtiku pero
ta bale la pena un bishita. Por mira diferente palu di
mangel na e grens aki. I e palunan aki ta sumamente
importante pa kosta di Kòrsou. Green Botton Wood ta
un tipo di Pali Mangel. Tin 3 tipo di palu mangel, red,
black and white. Riba tera kanando bai direkshon di
laman por haña e diferente tiponan. Esun mas serka di
laman ta e Red, despues subi tereno e Blacks i White
(green i silver bottom woods).
Por sigui Anais Arundel Godfried riba su Facebook.