Page 51 - MIN.VOS 20 MAY 2017

Fundacion Pa Nos Muchanan cu exitoso clausura du curso

Desaroyo di Idioma di mucha 0-12 aña

Friday, 19 May 2017 16:39
Comparti

Bou peticion di un demanda grandi door di Centronan di cuido di mucha (creche y traimerdia), FPNM
conhuntamente cu FEPO a organisa, e curso Desaroyo di Idioma di mucha 0-12 aña. Esaki a tuma luga
den luna di Maart 2017.

Durante e curso e lidernan y cabesantenan a siña, entre otro, kico ta desaroyo di idioma; con pa reconoce
un trastorno di desaroyo den idioma; kico pa haci ora esaki no ta cana bon, y actividadnan cu ta stimula
desaroyo di idioma. Meta di e cursonan ofreci ta pa lidernan y cabesantenan por eleva nan conocimento y
tambe nan Centro di cuido. FPNM kier a yama danki na FEPO y su oradora logopedista Kristel van Ness
cu a brinda e grupo cu informacion na un manera hopi placentero. Tambe nos kier a felicita tur e
participantenan cu nan presencia y participacion na e curso.

Centronan cu tawata presente ta entre otro; Smart Kidz, Glenda’s Speelschool, Dora y Diego Speelschool,
E barco di Noah, Pasa dushi pasa pret, Tante Detta y Debbie Doo. Na esnan cu no a logra acudi na e
curso, FPNM lo ripiti esaki den futuro pa asina mas lider y cabesante di Centro di Cuido di mucha por
haya e chens pa participa na esaki. Pa mas informacion tocante nos cursonan por tuma contacto cu nos
na 588- 0586/583-4247 of bishita nos Facebook page.

Comentarionan (0)

http://www.24ora.com/index.php?option=com_content&view=article&id=122003:fundacion-
pa-nos-muchanan-cu-exitoso-clausura-du-curso-desaroyo-di-idioma-di-mucha-0-12-
ana&catid=1:local&Itemid=5