Page 52 - AVP
P. 52
YA FOR DI 2016 A PROPONE
LOSSE UREN PA STIMULA
DOCENTENAN PA CUMPLI CU
NAN OBLIGACIONNAN
2 September, 2019, 10:52 pm
Minister di Enseñansa, Rudy Lampe tabata tey presente na EPB Hato, pa asina atende cu
e docentenan cu ta duna les na Openbare Avondleergangen Aruba (OAA), riba e asunto
di losse uren, cual docentenan no ta di acuerdo cun’e.
E mandatario a comenta cu a presenta cartanan di e gobierno anterior for di 2016,
caminda cu a bin cu e proposicion, mirando cu tabata tin ausencia bao di duna les di parti
di docentenan, door cu e no ta nan trabao principal. Ta djis un sidejob e ta pa e
maestronan cu ta duna les den Avond Opleiding. Door di esey, hopi di nan tabata
overbelast. E ora ta haya un situacion cu tin di nan no ta presenta. Pesey e director
anterior di OAA a propone na gobierno y despues tambe na e oficina di ministerio di
Enseñansa, pa bin cu e proposicion pa traha a base di principio di “no work no pay”, pa
stimula e docentenan pa cumpli cu nan obligacion, si nan scoge pa haci algo extra.
