Page 53 - AVP

Ya nan tin e salario caba di den dia. Nan tin nan full time job, segun e minister. Esaki ta

djis algo extra cu nan a opta pa haci. Mirando e situacion ey di e ausentismo, Minister

Lampe a presenta e cartanan di 2016. Ta un proposicion cu a bin di gobierno anterior. Y

awor aki cu ta tratando di ehecuta, pasobra tin continuacion di gobierno. Tin diferente

proyecto di gobierno anterior, a continua, segun minister Lampe. Pesey a presenta esaki

na e docentenan di OAA. A keda e ora pa durante e siman aki, ta tuma tempo pa scucha

nan preocupacion y e ora ey ta bay evalua e preocupacionnan aki y bin cu un proposicion
na nan por escrito durante e siman aki.

E reunion riba su mes, e minister ta sinti cu e dialogo tabata tey. Esey tabata e

compromiso cu e minister a asumi siman pasa cu e docentenan. Cu ta drenta den un

proceso di negociacion. Ta sinti tambe cu e ambiente di dialogo a keda y no a kibra.

Calculacion

Minister Lampe a agrega cu e docentenan tin caba nan trabao principal, nan tin nan

salario completo. Esaki ta algo extra. Bo tin bo tempo liber. Anochi en berdad bo por

dicidi si e kier pas’e cu famia of kier haci algo extra pa haya un entrada extra. Tin di nan

a haci calculacion cu nan ta bay atras segun e tarifa di losse uren. Pero tin di nan a haci

calculacion cu nan ta bay dilanti cu e sistema nobo aki. E cantidad cu ta bay paga pa ora

nan ta bay dilanti, segun e minister. E reaccion no tabata unanime pa esaki.

Dicon scol no a cuminsa

Algun aña pasa, bao di e gobierno anterior, nan a cuminsa scol te na januari. Esaki no ta
prome biaha cu scol no ta cuminsa un otro fecha. Ainda, awe nan por inscribi. Mañan

ainda tin mas studiante a bisa cu nan kier bin inscribi. Pesey a bisa pa tuma e siman aki

pa wak cuanto studiante a keda finalmente pa cada grupo, pa asina aki por traha e rooster