Page 37 - AWEMAINTA
P. 37
AWEMainta Diamars, 16 Mei 2017 37
“Con safe bo yiu ta den famia” CON safe bo yiu ta den famia? Cu e slogan aki Fundacion Re-
Abuso sexual di mucha speta Mi a presenta su spotnan educativo nobo tocante abuso
sexual di mucha riba diamars 9 di mei 2017, na Universidad di
no ta discrimina Aruba.
Fundacion Respeta Mi ta hopi contento cu por a conta cu pres-
encia y sosten di Minister di Enseñansa y Asuntonan di Famia,
sra. Michelle Hooyboer-Winklaar y Minister di Husticia, mr. drs.
Arthur Dowers.
FRM a aprecia e apoyo y sosten di coleganan profesional trah-
ando cu mucha y famia riba tereno social, hudicial, medico y di
enseñansa di instancia gubernamental y organisacion no-guber-
namental y naturalmente miembronan di prensa.
E tabata un atardi informativo tocante e problematica di abuso
sexual di mucha.
E. o. a trece dilanti, si kier yuda preveni abuso sexual, ta hopi
importante pa papia den famia na un manera habri tocante sexu-
alidad, sex y nos curpa. Ta esencial pa compronde y siña kico ta
un desaroyo sexual sano di un mucha entre 0-18 aña, p’asina por
señala ora algo bay robes.
Nos tur mester tuma e señalnan di abuso sexual na serio, prefer-
iblemente mas trempan cu ta posibel. Ora un mucha ta experien-
cia abuso sexual pa añanan largo, e ta core riesgo pa bira victima
atrobe mas laat den bida.
Cu e spotnan educativo FRM kier a concientisa cu mayoria biaha
abuso sexual ta pasa den seno familiar. Banda di un bida familiar
di cuido y cariño, tambe mester pone atencion riba locual tur por
bay robes tras di porta di cas relaciona cu abuso sexual di mucha.
E fundacion a combina e mensahe di cada spot cu imagennan
fuerte cu e meta pa kibra e silencio.
Presidente di directiva di Fundacion Respeta Mi, sr. Enrico Webb,
a expresa su gratitud na tur actor, tanto mucha como adulto, cu
tabata dispuesto pa actua den e spotnan aki a base boluntario.
Un danki special a bay na e mayornan cu a kere den e importan-
cia di e spotnan y a duna permiso pa nan yiu actua den un di e
spotnan.
E film crew di Rebecca Roos Productions a traha den un tremendo
colaboracion cu e team di FRM cu un resultado final di un pro-
duccion di calidad.
Produccion di spotnan educativo no ta un tarea facil y tin su parti
financiero cu sigur tabata un reto. Fundacion Respeta Mi a gradici
CEDE Aruba, Aruba Way Foundation y Kiwanis Club of Aruba
pa yuda cu e parti financiero pa realisa e proyecto. FRM lo pasa
e spotnan riba e diferente medionan di comunicacion.
Educacion sexual ta hopi importante pa yuda preveni abuso sexual
di mucha. Pa ayudo y sosten rib’e topico aki por acerca Wit Gele
Kruis (tipnan pa mayor online), Tienda di Educacion, Fundacion
Pa Nos Muchanan y Famia Planea y naturalmente Fundacion
Respeta Mi t’ey pa duna informacion na adulto, hoben y mucha.
Si abo tin un sospecho of preocupacion tocante abuso sexual di
mucha, tuma contacto cu Bureau Sostenemi riba 588-1010.
Nos tur por haci un diferencia den bida di un mucha. Cu e cono-
cemento, hermentnan adecua y hopi curashi nos por siña señala
y papia over abuso sexual y finalmente stop esaki.
Pa mas informacion por tuma contacto cu nos na 582-4433
Dominicanessenstraat 12, Oranjestad, respetami@gmail.com.
