Page 5 - AWEMAINTA

AWEMainta Diahuebs, 23 Februari 2017 5

Pregunta cu ta pendiente di un contesta

Unda nos ta bay cu

Reino Hulandes?

Minister Plasterk ta kere cu e lazo den

Reino Hulandes mester keda y fortifica

AYERA mainta tabatin un conferencia prensa duna pa Minister di Relacion
di Reino Hulandes, Ronald Plasterk na VNO, despues cu e mandatario Hu-
landes a reuni cu e 3 Prome Ministernan di Aruba, Corsou y St. Maarten.
Loke a hala atencion ta, cu e mandatario Hulandes a usa taxi como su medio
di transporte, dunando e impresion cu Gobierno di Aruba, pero tampoco
VNO no a percura pa transporte pa Minister Roland Plasterk.

Minister Plasterk a considera esaki un bon momento pa ta na Aruba, ya cu
den Reino Hulandes, na 3 di e 4 paisnan, ta para na vispera di eleccion.
Esta na Corsou, Aruba y Hulanda mes, y como tal lo haya Gobierno nobo.
Pero lo cada uno di e paisnan aki mester wak kico lo bira e futuro di Reino
Hulandes, y esey t’e motibo pakico e ta na Aruba.
Asina el a reuni cu e 3 Prome Ministernan di paisnan,manera di Aruba, St.
Maarten y di Corsou.

Y asina a keda e pregunta: Unda nos kier bay cu
Reino Hulandes. E no ta un pregunta facil, maske
cu tin un tendencia di ambos banda p’e relacion
entre Hulanda y Caribe, bira mas los y como tal e
distancia ta bira mas grandi.
Maske cu tin movimentonan politico tanto di
Caribe como na Hulanda, cu ta cuestiona, pakico
mester sigi mete cu otro.
Politiek Den Haag, unda tin varios partido politico
cu ta pensa cu mester stop di preocupa cu Caribe
Hulandes.
E combinacion di nan dos, por caba e relacion aki,
cu nan opinion di Minister Ronald Plasterk no ta
bon p’e paisnan aki banda.

Nos mester keda hunto, sostene otro, busca mihor
relacion di cooperacion, maske cu por tin diferencia
di opinion, pero como hendenan madura, mester
por haya solucion p’e diferencianan aki, segun
Plasterk.

P.e. na Corsou te ainda un 30% di e muchan te
ainda ta bay skol sin un desayuno, esey ta un prob-
lema fundamental.
Na Aruba, esey no t’e caso, pero e preocupacion
mayor aki t’e seguridad, e aumento di criminalidad,
cu ta pone cu e Arubiano no ta sinti cu mes sigur
mas. Pa tin un mihor calidad di bida, mester tin
mihor control di nos fronteranan.
Pesey ta bon pa nos tin perspectativa, pero ta
hunto nos por traha hunto pa pueblo tin un mihor
calidad di bida.

Y ta hunto den Reino Hulandes, nos por traha den
dicho direccion, segun Minister Ronald Plasterk.