Page 7 - tmp_Neat

Dr. Carla di Caudo cu charla riba epilepsia na

Aruba
Published on February 7, 2017 in Salud
ORANJESTAD, Aruba

Diamars awor dia 13 di februari 2017, precisamente riba Dia Internacional di Epilepsia,
Stichting Epilepsie Aruba ta organisa un anochi di informacion atrobe. Lo bira un evento hopi
interesante cu charlanan di 2 Neurologo di Aruba y testimonio di un pashent di epilepsia pa hopi
aña. E anochi aki lo tin un caracter special cu apertura door Dr. Alex Schwengle, Minister di
Salud Publico, Cuido di nos Grandinan y Deporte.Dr. Carla Di Caudo lo elabora riba un estudio
cu e ta haciendo riba e situacion di epilepsia na Aruba, algo te ainda desconoci na nos pais
mientras Dr. Rafael Gonzalez Redondo lo trata e relacion di epilepsia y stroke.

Manera conoci, a funda Stichting Epilepsie Aruba na 2007 cu e meta pa brinda informacion di
epilepsia na comunidad. Esaki pasobra tabata y te ainda tin un necesidad grandi di informacion
riba e enfermedad aki: Kico ta epilepsia, con pa anda cune, un hende cu tin e problema aki por
hiba un bida normal? Cu ayudo di entre otro dokter y otro personanan activo riba epilepsia, e
fundacion riba un base regular ta tene anochi di informacion cu charlanan riba e enfermedad aki.

Prome cu a lanta e fundacion, pashentnan di epilepsia practicamente no tabatin acceso na
informacion riba e enfermedad, cu tur su consecuencianan. Durante casi 10 aña, SEA
regularmente a tene eventonan manera esun di otro siman y ta duna tambe charlanan na hopi
instancia na Aruba por ehempel na scol y crèchenan, YMCA, centronan di bario, Casa Cuna y
otronan. Esakinan ta wordo duna door di 2 verpleegkundigen di SEA. Pa mas informacion por
yama Margarita Pourier-Henricus na tel. 600-4184.E anochi di informacion e biaha aki lo tuma
luga na Auditorium di Universidad di Aruba diamars 13 di februari 2017 di 7:00pm pa 9:30 pm.
Idioma lo ta Ingles y Papiamento y entrada ta gratis. Tur hende ta bon bini!

http://earubianonews.com/2017/02/07/dr-carla-di-caudo-cu-charla-riba-epilepsia-na-aruba/