Page 61 - MIN ON
P. 61
Kimberley Kuiperi di OBID presente na entrega di regalo dor
di Aruba Aloe Balm
Sunday, 11 December 2016 20:02
Comparti
"Awemainta cosnan a bay echt leuk", Kimberley Kuiperi a remarca despues cu e compania Aruba Aloe
Balm a regala dos fundacion, Cruz Cora y Women's Club of Aruba
, productonan pa nan por traha pakete pa esnan den necesidad den e temporada festivo aki. El a splica
cu un di e prome tiendanan cu nan di OBID pa loke ta e evento T'aki Tin a aserca tabata Aruba Aloe Balm
pa participa.
"Nos ta hopi contento pasobra nan tabata on board mesora y a bin cu e idea pa haci donacion di nan
productonan na Womens'Club y Cruz Cora. Na nomber di organisacion T'aki Tin cu su eventonan cu ta
tuma lugar den caya grandi pa e temporada aki, mi ta yama danki na Aruba Aloe Balm pa su donacion.
Un gesto bunita den e temporada di Pasco aki."
Den e dianan aki T'aki Tin ta sigui cu su eventonan den caya. Eventonan cu ta wordo anuncia pa asina e
publico grandi por ta presente y haci uzo di descuentonan grandi y ofertanan fabuloso.
