Page 34 - HOSPITAAL

Segun Dr. Monica Nuboer, coordinador medico di ImSan, y ken tambe ta den e ta den e
training center, a menciona den entrevista cu nos redaccion, cu aworaki nan ta traha cu
e protocolnan di ambulance, pero nan a haya e necesidad di haci e training.

Debi na esaki ImSan tabata mandando tur aña algun persona den exterior pa haci e
training aki. E ora ey a bin na e idea pakico no trece e curso Aruba.

Ta pesey a bay den un grupo poco mas grandi, pa trece y bira instructor. A haci e curso

inicial y tambe e instructor pa por duna e lesnan mes aki na Aruba.

Tempo inverti

Inicialmente ta bay cuminza cu e personal medico. Esey ta e parti di mas extenso, ya
cu ta haya e forma con bo tin cu acerca clinicamente e pacient. Pero tambe ta wordo
entrena pa duna e les na personal eyfo cu no ta personal medico. Por ehempel un
trahado di WEB, of di e refineria, polis, brandweer, hotel, etc., tur caminda cu lo por

yega na tin un accidente cu kimico. Un kimico no ta leu. Un airco tin kimico. Si un di e
tankinan kibra, bo por yega den contacto cu e frion, cu por dunabo cierto
kemaduranan.

Personal cu ta traha den agricultura por yega den contacto cu pesticida, cu tambe por
duna cierto intoxicacion.

Proceso di certificacion

Dia 29 y 30 di November, lo bay bin un team di exterior pa haci nan test final, cual ta di
practica. Pa loke ta e test teorico, ya esey a wordo haci for di antemano.

Un preparacion intensivo

Ta un preparacion intensivo, pasobra e tin hopi materia. Tin hopi scheikunde hinca
aden, segun Dr. Monica Nuboer. Tambe tin biologia molecular, pasobra nan kier sa di

bo cu bo sa e proceso con e cel ta funciona, con e cel ta wordo intoxica. E tabata un
proceso extensivo, pro hopi enrikecedor. Nuboer ta contento cu por a trece e training
na Aruba mes.