Page 11 - MIN ON

AWEMainta Diamars, 20 December 2016 21

Minister Michelle Hooyboer-Winklaar ta desea

pueblo un bon temporada di fin di aña

DURANTE e actividad di fin di siman na Green Square, Concierto
di Speransa, Minister Michelle Hooyboer-Winklaar a haci bon uzo di
e oportunidad pa expresa su sentimentonan di e evento e aña aki como
tambe manda su mensahe di fin di aña pa comunidad.
“Awe nochi nos ta na Green Square p’e actividad di AVP, cu manera
por mira tin un acogida sumamente grandi”, e mandatario a bisa.

“Pueblo a bin hunto pa gosa tur loke tin, sea ta cuminda, obra di arte y
hopi mas. Mi ta kere e ta un actividad cu a trece comunidad hunto pa
celebra e bunita temporada di Pasco”, el a agrega. “Tin hopi ambiente
yena cu dushi musica. E ta un momento pa nos ta bin hunto cu comu-
nidad y nos pueblo bisando danki pa un tremendo aña pa Gobierno y
pueblo en general”, Minister Hooyboer-Winklaar a enfatisa.
E ta un orguyo cu por tin asina hopi hende haciendo e un actividad
grandi di AVP.
“For di comienso e programa ta uno cu a yena nos cu musica y mi ta
kere cu tur a keda emociona scuchando e letranan di nos himno canta
pa un hoben cu hopi talento. Cada tent tin algo y mi ta kere cu chikito
y grandi ta gosando di dje,” el a elabora.
“Tambe mi kier uza e oportunidad aki pa desde awor desea henter e
comunidad di Aruba feliz dianan di fiesta y un danki grandi p’e sosten
e aña cu ta cabando cu miras riba loke ta bin den e aña nobo 2017,”
asina Minister Michelle Hooyboer-Winklaar a termina bisando.