Page 13 - MIN ON

24 AWEMainta Diamars, 20 December 2016

Minister Michelle Hooyboer-Winklaar:

Buki di nos parhanan lo sirbi como referencia na tur scol

RECIENTEMENTE a lansa un buki cu ta registra e variedad
di parha cu tin na Aruba, nan informacion, nan potret, e.o., cual
sigur pa un alumno ta un buki hopi valioso.
Ta papiando aki di e buki “Wildlife Aruba” traha dor di Aruba
Birdlife Foundation. Minister di Enseñansa, Michelle Hooyboer-
Winklaar ta hopi contento cu e buki aki, ya cu e lo por wordo uza
como material pa scol.

“Den nos bista ta algo sumamente importante pa nos studiantenan,
pa nos hobennan sa, pa nos por stimula tog un generacion cu lo pro-
teha loke nos tin como naturaleza”, asina e mandatario a enfatisa.
El a gradici Greg Peterson cu a traha e buki aki. Ta conoci cu se-
ñor Peterson ta un persona basta activo cu sacamento di potret di
nos parhanan y cu a compila esaki den un buki basta diki cu tur
e informacion necesario, sea pa un hoben, studiante of cualkier
persona interesa y cu kier sa mas di e tema aki.
E buki aki lo fungi como referencia pa scolnan y cualkier hende.
“Esaki ta algo sigur cu nos tabata kier pa tur scol tin y cu lo por
haci uzo di dje den diferente klas.
Sea den un les specifico, den pauze of cualkier otro momento cu
mester di dje, asina Minister Hooyboer-Winklaar a subraya.
Den cuadro di esaki, e mandatario, hunto cu e personanan cu a
haci e buki aki posibel, a bishita Mon Plaisir School pa haci entrega
di un ehemplar.
Nan tabata masha contento di por a splica di e buki n’e studian-
tenan y contesta cualkier pregunta cu nan por tin relaciona cu esaki.