Page 23 - HOH UPDATED

E ta papia di prevencion y concientizacion pa loke ta cancer di cuero. Esaki ta e tipo di
cancer number un na Aruba.

Actualmente tin e temporada di carnaval unda ta expone e cuero na oranan largo den

solo.

Pa elabora riba esaki a invita Dr. Nuris Lampe, kende ta dermatologo y el a enfatiza cu
e topico aki di cancer di cuero ta hopi importante pa Aruba.

El a bisa cu ta hopi importante pa den temporada di carnaval pero e solo di Aruba ta
haciendo hopi daño riba cuero, Dr. Lampe a remarca.

Esaki ta keda constata cu e cantidad di casonan cu tin actualmente. Ta hibando un
record di e cantidad di casonan cu tin anualmente y e casonan no ta baha.

Pesey mes ta importante pa den e temporada aki di carnaval como di Semana Santa

tuma un tiki consenshi pa proteha.

Dr. Lampe ta enfatiza riba e muchanan, cu ta e grupo mas vulnerabel. Mester pone mas
atencion riba e uso di protector solar y nan paña.

Tambe tin hende grandi cu ta bay parada y tur aña ta bay disfruta di carnaval. Nan
tambe mester usa proteccion den e temporada aki. No mester lubida cu cancer no ta
aparece di un dia pa otro, sino cu e ta causa di e añanan cu bo ta tuma solo. Entre mas

aña bo tuma solo mas chens bo tin pa desaroya un cancer di cuero, e experto a indica.

E color di cuero tambe ta hunga un rol hopi importante. Mas blanco bo cuero ta bo
chens ta keda crece.

Tin personanan cu ya caba tin daño solar, cu ta keda vulnerabel y cu si sigui bay den
solo esey tambe ta bay causa e aceleracion di e aparicion di cancer, Lampe a agrega.

https://www.diario.aw/2019/02/casonan-di-cancer-di-cuero-ta-keda-den-

aumento-na-aruba/