Page 28 - HOH UPDATED

Y esey kiermen cu ta un exposicion solar cronico riba e cuero cu ta causando e tipo di
cancer aki.

E casonan di cancer di cuero no ta baha. Ta bay den aumento aki na Aruba. Pesey ta

elaborando den e dianan aki riba e aspecto di prevencion, principalmente pa e dianan
aki di carnaval y Semana Santa cu ta na caminda.

El a agrega cu tambe tin e tipo di cancer cu ta sigui’e cu ta carcinoma espino-celular y

cu tambe tin su frecuencia. No asina hopi manera e basocelular. Su problema ta cu e ta
un tiki mas agresivo y e chens di haya metastasis ta grandi.

E cancer aki por bay mas leu cu solamente crece na bo cuero, sino cu e por bay den bo

sanger, den bo organonan y e por causa e morto si e persona no tin control suficiente
riba dje.

Tin e cancer mas agresivo, cu ta e melanoma maligno. Esaki ta mas agresivo den e

sentido cu na un tamaño hopi chikito e persona por haya efectonan agresivo den e
sentido cu e no mester ta mucho grandi pa e persona tin metastasis, e doctor a indica.

Pesey ta importante pa tene precaucion y tene cuenta cu e aspectonan aki, Dr. Nuris

Lampe a remarca.

https://www.diario.aw/2019/02/exposicion-solar-cronico-riba-e-cuero-ta-e-
causante-di-carcinoma-basocelular/