Page 36 - KPA

No por a castiga homber paranoid cu kier a
viola dama Hues a conden’e na 1 aña den
institucion psychiatrico

Aunke Fiscal a exigi 3 aña di prison

ORANJESTAD (AAN): E homber C., kende ta worde acusa di intento di viola un dama,
no tabata kier a coopera pa laga psychiater traha un raport. Aunke cu Fiscal, Hues y
abogado a bis’e cu ta pa su mesun bon, e sospechoso ta haya cu e ta bon y no mester
papia cu psychiater.

Esey a haci cu Fiscal a dicidi di usa raport bieu di psychiater riba C. For di e raport por a
compronde cu C. ta sufri di paranoid y a constata esaki caba na 2012. Fiscal a sigui bisa
cu psychiater ta mustra cu si e sospechoso ta bebe su pildernan e no ta forma
problema. Pero si e no ta bebe pildernan e ora ey ta un problema.

EXIGENCIA FISCAL:

Fiscal ta haya C. culpable di na November 2016 a purba viola un dama y a exigi 3 aña
di prison kitando e tempo cu e ta sera den KIA. Hues a bay studia e caso y recien a
dicta sentencia.

A PURBA VIOLA:

Hues den su sentencia a bisa cu e ta haya legalmente proba cu C. a purba di viola un
dama, kende el a duna un lift. E dama tabata kier a bay casino pero ora el a ripara cu
C. a coy otro ruta, e tabata kier a baha for di e auto. E sospechoso C. a para e auto y
benta e dama den yerba y a mishi cu e dama y tabata kier a viol’e.

Hues ta haya cu C. a tacha integridad di e dama. E dama no por a defende su mes.
Hues ta haya cu a base di e denuncia di e dama y e investigacion haci di parti di Polis,
ta mustra cu C. ta culpable. El a mustra tambe cu ora e dama kier a yama Polis, C. a
kita e cellular for di dje. Polis a haya C. cu e cellular.