Page 37 - KPA
P. 37
NO POR DUNA CASTIGO:
Pa cu e castigo, Hues a mustra cu a busca manera pa psychiater evalua e sospechoso
pero e no kier coopera.
Hues a mustra cu na 2012, psychiater a constata paranoid y cu e chens tey cu e por
ripiti si no haya tratamento. Hues a sigui bisa cu na 2012, C. a sinta castigo den KIA
pasobra na Paaz nan no kier a tum’e pa tratamento.
Hues a bisa cu teniendo esaki na cuenta, e no por condena C. na castigo di prison y ta
declara C. liber.
OTRO CASTIGO:
Hues a bisa cu aunke cu Fiscal a exigi 3 aña di prison, e no ta haya esaki corecto,
teniendo cuenta cu e problema mental di C.
Sinembargo Hues ta haya cu ley ta duna e posibilidad di por condena un sospechoso na
tratamento obligatorio y Hues a haci uso di esaki.
Hues a condena C. na 1 aña den un institucion psychiatrico. El a ordena Fiscal pa
percura pa esaki keda ehecuta. Si evalua bon, e sospechoso no ta haya 3 aña di prison
manera Fiscal a exigi pero si 1 aña ser den un institucion. Por mira esaki un sorto di
castigo, caminda pa 1 aña largo C. no por sali.
