Page 26 - AAA

Coordinadora di Unidad di Gestion di Riesgo di UNESCO
presente na Aruba pa comparti experticio

Thursday, 08 December 2016 20:42
Comparti

Zelmira May ta coordinadora di Unidad di Gestion di Riesgo di UNESCO y e ta conta riba su bishita na
Aruba y kico nan ta haciendo.
E ta conta cu e presencia na Aruba ta bin di un pedido special cu a ricibi di parti di e coleganan di Aruba
encuanto por bishita y trece algun conocimento riba e problemanan principal cu Aruba ta enfrenta
vincula na riesgo debi na e fenomeno meteorologico extremo, vooral riba inundacion, sekia, otro
riesgonan deriva. Desde e pedido ey, ta ora cu nan a convoca no solamente expertonan cu a bin ta trece
conocemento, pero otro coleganan di otro paisnan di Caribe pa por probecha miho e conocemento, ya cu
tin di compronde cu hopi di e preocupacion y problemanan cu paisnan ta enfrenta cu ta comun. Ta
temanan di escala ta haci cu e respuestanan posibel y posibel solucionnan tambe por ta comun. E ora a
trece un grupo di experto vincula cu UNESCO riba eventonan extremo meteorologico, experto den
inundacion, den sekia, tambe e uzo eficiente di awa, cual ta un forma pa ta prepara pa responde miho
dilanti e riesgonan y incluso expertonan cu ta mira un otro angulo di e conceptualisacion cu ta e riesgo,
cual ta e vulnerabilidad cual ta desaster. Loke nan kier haci ta desde e banda aki, identifica di un banda
crea algun capacidad den paisnan pa por yuda brinda solucion y despues tambe identifica algun liña di
trabaonan specifico caminda cu UNESCO por sigui sostene su estadonan miembro, cual ta e rol y deber
cu nan tin. A sali cuestionnan bastante interesante. Puntonan caminda cu paisnan tin necesidadnan hopi
specifico di apoyo y cu e expertonan cu tin tambe solucionnan specifico. E ora ta kere cu ta importante
orienta riba e liñanan aki, pa e proximo lunanan, pa tin resultadonan concreto. Ta bay cu algun idea y
publicacion con pa difunto e conocemento cu ta existi, con pa promove trabao entre e paisnan, e
intercambio di informacion y experiencia cu tambe ta clave pasobra hopi biaha uno ta kere cu solucion ta
bin di pafo y tin dentro di e paisnan hopi experiencia di cosnan cu ta haci bon y cosnan cu no a haci bon y
di algun di esakinan ta siña.
E grupo ta conforme, awe lo bay tin e posibilidad di bishita vooral algun di e zonanan mas vulnerabel di
Aruba, cu a sufri y ta sufri di inundacion frecuente. Tambe cu e idea di mira realmente con ta materialisa
esey, cualnan ta e causa analisa esakinan y mira desde loke a siña den e tayer aki y kico a wordo scucha,
kico por ta posibel solucionnan.
Segun May tin varios factor, no solamente e clima, pero factornan cu ta netamente antropogenico.
Cambionan climatico tin su componente antropogenico tambe. Cambio den con ta diseña ciudadnan, con
e ciudadnan ta crece, con hopi e poblacion ta aumenta. Cambio den uzo di suelo, aumento den demanda
pa uzo turistico sin duda. Uno ta papia di e fabuloso subregion aki den latino America y Caribe. Turismo
ta clave den demanda di awa, vooral den pieknan di demanda. Uno ta mira e cruceronan cu por wordo
mira y esey ta trece cune un piek den consumo di awa directo of indirectamente.

Ta un serie di factor y esey ta loke ta haci tambe mas compleho e solucion. Nos ta enfrenta cu
problemanan cu pa e hecho di ta transectorial, transdisciplinario ta rekeri solucionnan cu e mesun
optica. Kisas esnan cu ta traha den temanan hopi tecnico, ta costa nos brinda e mirada asina abarcativo.
Loke ta purba di haci ta convoca expertonan cu por yuda mira cosnan cu otro perspectiva, pa realmente