Page 28 - AAA

Directora di Global Water for Sustainability satisfecho cu e
prome dianan di reunion di UNESCO

Thursday, 08 December 2016 20:49
Comparti

Maria Donosco ta directora di Global Water for Sustainability y tambe ta na Aruba pa un programa di
UNESCO riba desasternan na Aruba.
Nan tabata tey caba pa un dia y mey pa trabao, descontanto loke nan a haci ayera caba. Semper sinta riba
un gran cantidad di resultado di proyecto cu UNESCO ta realisa di e programa hidrologico internacional,
incluyendo e trabaonan cientifico cu nan ta realisando na Aruba y por a wak cu tin un gran intercambio
di informacion, di metodologia, cu definitivamente ta spera cu nan ta contribui na mehora e procesonan
di tumamento di decision cu relacion na desasternan natural den Caribe y na Aruba.
E prome dianan tabata hopi bon. Tabata tin intervencion di cientifico cu a compaña nan. Invitadonan di
diferente pais, incluyendo Merca y igualmente e participacion di e representantenan di Gobierno, atrabes
di nan agencianan di awa, cual a manifesta e problemanan cu nan tin awo. Algun solucion cu nan ta
purba di implementa, pero lo mas importante tabata e intercambio, interlocucion cu a tuma luga entre e
diferente actornan participando den e evento aki, cu ta permitiendo desaroya un network di pensador,
cientifico y tumadonan di decision cu relacion na e desaster y recursonan hidrico. E encuentronan aki ta
hopi importante, vooral e globalisacion lo duna awendia den loke ta comercio, turismo etc. , mester duna
tambe den ciencia y cualkier pais, pa con chikito cu e por ta, tin un conocemento instala y un
conocemento di su area di trabao, cu ta importante transmiti e modelonan global, ta mira un vision
global. Sinemargo ora cu nos papia di un cuenta specifico, di un isla chikito, ta fundamental cu e
cientificonan of e personanan cu ta trahando riba e isla, participa y sirbi como elemento pa calibra miho
e modelonan global.