Page 95 - KPA_Neat

Homber ta wordo asesina na Jaburibari

Monday, 01 May 2017 09:39
Comparti

Dialuna, pa mas of menos 5'or y 20 di marduga, a drenta un melding na warda di polis, cu lo tabata tin un caso di
asesinato na Jaburibari. Segun informacionnan acumula na e sitio, tabata tin dos fiesta andando na dos cas. Un di e
casnan aki a wordo gehuur pa haci e fiesta.

Aparentemente na e cas aki, algo sosode cu el a bay for di man, cu e resultado cu un homber, di nacionalidad Chines
for di Canada, kende porcierto a huur e cas pa e fiesta, a resulta di a ricibi impacto di bala cu el a fayece na e sitio.
Fuera di esey tabata tin un accidente cu no a sosode mucho leu for di e luga di e susedido, caminda cu un dama
tabata envolvi. E dama aki, segun informacionnan na e sitio, tambe tabata na e fiesta, unda cu e tragedia a sosode.
Hunto cun'e tabata tin un cabayero, kende a lanta bela bay, lagando e dama herida benta riba caminda. Testigonan a
mir'e drenta mondi cu un rugtas y a disparce. Polis a haci un buskeda riguroso den e vecindario y finalmente mas
laat durante dia, a bin logra gara e persona aki, kende ta sospechoso di a comete e delito ya menciona. Na e sitio,
dokter a presenta y a constata morto di e victima. E caso aki ta bao di investigacion.

http://www.24ora.com/index.php?option=com_content&view=article&id=121318:homber-ta-wordo-
asesina-na-jaburibari&catid=6:policial&Itemid=8