Page 97 - KPA_Neat

Posted on 05/1/2017 7:31 pm AST | Updated on 05/1/2017 7:41 pm AST

JABURIBARI – Hopi mas informacion cu a haya awe mainta, no tin riba e caso di
asesinato na Jaburibari. E informacion duna, ta e unico cu polis tabata autorisa pa duna te
cu awor. Esaki ta e caso di awe marduga laat cu un persona a wordo asesina. Mientras cu
polis no por confirma e nacionalidad di e persona, tin informacion cu ta trata di un
homber Chines y cu tin un dama tambe deteni a consecuencia di e caso aki. Si e dama cu
a keda deteni, no por wordo bisa tampoco aworaki pa polis. E forma con e homber a
muri, tambe mester wordo determina pa medio di autopsia. Pa e motibo aki a tuma e
curpa di e homber den beslag y lo mester determina con e homber a muri. Manera e
portal aki a bisa caba, departamento Forensico y Recherche Noord ta bezig haciendo e
investigacion. Tambe a confirma cu Dr Cime Texier a constata morto awe mainta 7’or y
cu ta fiscal Rammeloo a tuma e curpa den beslag.