Page 10 - LOTTO 13 APRIL 2017

Delegacion di ahedrez lo competi den e 6th Carifta Chess
Championship na Kingston, Jamaica

Thursday, 13 April 2017 09:35
Comparti

Den e dianan 13 pa 18 di april lo tuma lugar na e ciudad di Kingston, Jamaica, e di 5 edicion di e
CARIFTA Chess Championship. E federacion di Ahedrez di Aruba lo manda un delegacion bou guia di e
CM Raymundo Dijkhoff.

Mester bisa cu Aruba lo ta fuertemente representa na Jamaica unda nos atletanan a prepara den bon
forma pa e campeonato aki unda lo topa e mihonan di Caribe. Aruba lo ta participando den e
categorianan di U-12, U-16 y U-20. Pa loke ta nos representacion den e Carifta aki nos tin den e categoria
U-20, Absolute, CM Jomar Benschop den e seccion masculino. Den e categoria U-16, Absolute, nos tin e
hoben Brian Diaz. Den e categoria U-12, mucha muher nos tin Thamara Sagastegui. Anja pasa Aruba a
haci un bon papel den e Weganan di Carifta na St Criox. Den e ultimo añanan e deporte di ahedrez a
conoce un crecimento enorme principalmente bou di nos hobennan. E nivel di Aruba a progresa den bon
forma danki na e trabou duro di e federacion y nan miembronan cu ta yuda engrandese e deporte mas y
mas. E experencia na nivel mundial y Olimpiada di ahedrez sin duda a contribui na amplia e
conocimento y experticio di nos hungadornan. E deporte di ahedrez ta exigi un nivel halto di
concentracion y un conocimento amplio di strategianan cu tin cu usa constantemente durante cada wega
hunga. Un danki sigur na Lotto, e Loteria di Aruba pa medio di Comision di Subsidio cu ta subsidia e di e
delegacion di ahedrez pa e campeonato di Carifta 2017 na Kingston, Jamaica. Cumprando weganan di
Lotto, e Loteria di Aruba manera Catochi, Big 4, Zodiac, Wega di Number Korsou di Lotto, Lotto di Dia,
Lotto 5, Mini Mega cu su Mega Plus y e weganan di Raspa bo ta contribui na deporte riba nos isla. Meta
di e fundacion ta pa organisa loteria, cambia bida di su hungadonan y na mes momento inverti den
deporte local pa medio di donacionnan na e Comision di Subsidio.