Page 54 - SOC JAN 16

Tin caranan nobo y hoben den adiccion riba caya pero tin e
caranan conoci cu awe a cambia bida

Sunday, 15 January 2017 18:55
Comparti

Cosnan cu ta notabel ta cu nos conoce adictonan riba caya. Conocenan pa decadanan riba caya. For di
hoben te cu awe nan tey keto bay. Pero tin caranan nobo.

Esaki ta resalta mey mey di hende.

Minister Dowers a splica cu tin un solucion pe. El a bisa cu tin hopi aña den e mundo aki, ora cu prome
opzet a tuma luga pa e problema di adiccion na Aruba. Esnan mas structura, tabata tey e tempo ey den e
comision y tin cu bisa cu tin hende cu e conoce for di e tempo ey, pero tambe tin hopi hende cu tabata
riba caya cu a mehora. Tin caso cu nan a casa, tin yiu y ta mantene famia. Ta importante pa comunidad
sa cu tin un grupo di hende cu ta hopi dificil pa por trata nan, cu probablemente nunca nan lo drecha y
mester guia di comunidad, pero tin gruponan tambe cu ta cay den droga y ta sali y tin bon bida despues.
E importante ta cu tur hende tin e derecho si pa malo cu nan ta, of pa adicto cu nan ta, pa tin un bida
humano. Esey ta keda bon motivacion pa haci loke ta haci.
Hopi biaha tin bon resultado. Logicamente no por preveni cu otro hende ta drenta den e mundo akinan.
Cada bes cu actua, ta importante pa actua tempran, pa menos daño wordo haci door di e droga of
fisicamente tambe na e hendenan ora nan ta den e mundo di adiccion, miho e ta.

Loke ta riparabel cu tin hende hopi problematico ta keda uza droga te na e momento te ora cu nan ta
yega te abao. Nan mester ta te na caya y prome cu por haci algo pa nan. E grupo ey tambe ta existi. Nos
instinto, cu kier preveni logicamente, kier na momento cu hende cay den droga yude sali y haya un miho
bida y esun cu no por sali, percura cu tin un manera humano di por coexisti den sociedad.