Page 50 - SOC JAN 16

Minister Paul Croes: Lo laga hasi un investigacion riba
contratonan cu musiconan den sector di hotel

Sunday, 15 January 2017 14:18
Comparti

"Seguridad laboral, un entrada continuo y un situacion financiero stabil ta meta di e desicion aki. Nos
musiconan merece wordo trata cu respet y dignidad pa locual nan ta nifica pa nos pais y nos bishitantenan",
minister Paul Croes a expresa.

Despues di algun combersacion cu musiconan cu ta toca y entretene bishitantenan den sector di Hotel,
restaurants y Cafe's (HORECA) Minister Paul Croes encarga cu e cartera di labor a dicidi di lo hasi
investigacion y analisis riba e contratonan cu musiconan cu ta toca tin. Aparentemente e trato no ta uno husto
y pa es motibo lo hasi lo posibel pa corigi esaki. "Mi a tuma nota di e situacion cu musiconan ta biba aden y
sigur nos lo atende esaki. Ta trata di personanan cu ta contribui na e experiencia di nos bishitantenan nos
isla. Ta artistanan cu merece un seguridad laboral y esaki mi a instrui departamento di labor sondea pami",
minister Paul Croes a anuncia. Despues di un reunion tambe cu Parlamentario sr. Jeffrey Kelly unda e
preocupacion a wordo treci dilanti minister Paul Croes a informe cu e investigacion ta wordo ehecuta. Tambe
e desicion aki ta a base di un mocion di Parlamento di Aruba riba e seguridad laboral di musiconan den e
sector di Hotel, restaurants y Cafe's. Departamento di labor ta encarga cu e investigacion aki y lo presenta
resultado di esaki dentro di poco na Minister.