Page 44 - AHATA

Marisol Lopez Tromp Ta Bira Minister Na December

Ora Otmar Oduber Retira

 Local
- 17/09/2019

Minister Otmar Oduber ta tuma su retiro pa dia 12 di december, Marisol Lopez Tromp lo
reemplas’e como Minister y e miembro di POR, Dellanire Maduro (dokter di profesion,
pero no huramenta) ta drenta Parlamento na lugar di Marisol Lopez Tromp.

Esakinan t’e cambionan cu a bira conoci diamars mainta despues cu e mandatario di
partido POR, Otmar Oduber a anuncia su retiro oficial. E retiro ta pa motibonan personal,
manera el a declara. Maske nos tin informacion cu tin mas motibo tras di dicho retiro.

E mandatario a bisa cu e lo kier sigui, pero mirando e cantidad di añanan cu el a dedica su
mes completamente na su trabou, ta yega momento cu e curpa no por soporta mas.

Despues di mas cu 20 aña den politica, el a bisa, ta momento prome cu e bira un
Dinosaurio, pa retira.

“Cu un curason yena di di emocion, expectativa y ilusionnan nobo awe mi ta anuncia
publicamente e decision (no facil by the way) di inicia un etapa nobo den bida.