Page 45 - AHATA

Despues di ta den politica activo pa 22 aña consecutivo dedicando mi bida na lucha pa un
mihor bienestar pa nos pida baranca y nos hendenan awe ma anuncia cu mi ta retira for di
politica activo na december di e aña aki.

A scoge e fecha aki mirando cu ta na december, 22 aña pasa, a entrega lista unda pa
prome biaha mi tabata un candidato politico. Como tal, ta un bon dia pa baha e trapi di
Bestuurskantoor ultimo biaha no solamente como Minister, pero tambe como politico
activo.

Motibonan p’e retiro ta estrictamente personal. Despues di tanto aña a yega ora pa dedica
na mi famia y t’ey 100% pa nan.”

Na mesun momento el a anuncia cu partido POR a dicidi cu e candidato cu ta bay
reemplas’e ta drs. Marisol Lopez Tromp, kende den pasado a yega di ocupa puesto di
Minister caba den Gobierno di MEP, partido di cual el a wordo cori malamente.

Esposo di Marisol Lopez Tromp si no ta di acuerdo p’e bira Minister atrobe, tambe pa
motibonan personal.

E siguiente pa drenta Parlamento lo ta mr. Jocelin Croes, kende ta Minister
Plenipotenciario di Aruba na Washington. A delibera cun’e y a haci un apelacion na dje
pa keda Washington “unda e ta haciendo un bon trabou y el a bay di acuerdo,” Otmar
Oduber a bisa prensa. Esaki ta nifica cu e siguiente candidato di POR pa drenta
Parlamento ta no. 6 Dellanire Maduro, kende a haya 160 voto den e ultimo eleccion.

Liderazgo lo no ta un probelma, segun Otmar Oduber, ya cu for di momento cu a lanta e
plataforma aki, el a bin ta guiando esaki hunto cu candidato no.2, kende ta Minister
Andin Bikker.

Aunke el a sigura cu apesar di su anuncio cu e ta retiro di politica activo, semper e lo
keda duna ayudo na POR.

“Cu mi no lo ta politico activo mas no lo kiermen cu mi lo bandona politica, esey ta den
mi sanger y lo mi keda sostene mi partido POR y nos Gobierno, lo mi sigui traha, na un
otro manera, pa mi hendenan y cu mi isla semper den mente y curason.”