Page 16 - bon-dia-aruba-20190429

A16 HENDE
Dialuna 29 aPRil 2019

35 ciudadano a ricibi Condecoracion Real

ORANJESTAD - Diabierna ultimo 35 ciu-
dadano di pais Aruba a ricibi nan condec-
oracion real, Esaki a sosode den Renais-
sance Conference Center cu tabata yen.

“Ta prome biaha cu 35 ciudadano ta ricibi un
condecoracion real pareu na Aruba. Otro añan-
an ta rond of menos di 10. Mi ta hopi contento
y orguyoso di tur e ciudadanonan aki pa e buni-
ta trabou cu nan a y ta haci den nos comunidad.
Gobernador a para keto na e labornan di cada
persona, durante un ceremonia hopi bunita.

Ta trata di ciudadanonan cu banda di nan tra-
bou a haci cosnan excepcional completamente
boluntario. Personanan cu a wordo condecora
a base di labornan excepcional riba diferente
tereno, entre otro: humanitario, conserva me-
dio ambiente, nos flora y fauna, turismo, nos
hobennan, cultura, arte, musica, deporte, pad-
vinder, y trabounan caricativo a traves di misa
y iglesia.

Mi sa cu tin hopi mas ciudadano cu merece e
condecoracion real. P’esey como gobierno nos
ta haci nos maximo esfuerso pa duna infor-
macion pa ciudadanonan di Aruba manda mas
tanto posibel proposicionnan pa e comision di
Hulanda cu tin cu dicidi.
Pa un persona por bin na remarke pa un condec-
oracion, mester ta trata di un persona cu aparte
di su trabou a of ta dedica su mes na labornan
excepcional boluntario, “Minister President
Evelyn Wever-Croes a duna di conoce.
Prome Minister a felicita tur 35 ciudadano cu
a ricibi condecoracion real e aña aki y a expresa
su deseo pa e siguiente aña atrobe nos por mira
asina hopi ciudadano ricibi un condecoracion
real.