Page 57 - AHATA

door di por ehempel rosamento of demasiado chapimento, e barbuletnan tambe ta
desaparece.

E hecho cu barbuletnan a bay atras den cantidad ta debi na factornan humano. Ta

referi aki na e acto di rosamento di areanan pa traha cas y pa infrastructura. Ta yega
un momento crucial cu nos mester ta mas conciente y tene na cuenta cu bestianan
tambe mester biba ariba e planeta aki.

Den e articulo cu DNM a publica den edicion pasa tocante abeha, a menciona cu mas o
menos 80% di matanan den naturalesa ta poliniza door di insectonan, entrenan e
barbulet. Den mantencion di un biodiversidad halto e rol di e barbulet ta importante.

Durante algun excursion den naturalesa e ultimo dianan aki, DNM a aprecia cantidad di
barbuletnan. Esaki ta door di e matanan cu ta floria debi na e awasero cu ta suficiente y
regular. Na Aruba nos tin un Butterfly Farm na unda por hiba e muchanan y adultonan
pa siña mas di barbuletnan local y na nivel mundial. Percura pa un hofi cu flor y duna

espacio na naturalesa pa embeyece bo cura.

https://www.diario.aw/2018/12/unda-cu-tin-cantidad-halto-di-barbulet-ta-
significa-cu-naturalesa-ta-den-balans/