Page 29 - AWEMAINTA
P. 29
Diahuebs, 21 Maart 2019 AWEMainta 29
Robert Candelaria (AVP): Proyecto di Aruba Doet tabata un exito!
Mas acesibilidad pa yega Djiespi’s Place
Trahando hunto pa yuda esnan cu limitacion fisico
FOR di luna pasa Parlamentario Robert Candelaria (AVP)
ta trahando riba un proyecto pa hendenan cu limitacion
fisico. E aña aki el a participa den e di 7 proyecto di Aruba
Doet y a traha riba un rampa na Djiespi’s Place na final di
Caya Betico Croes.
Diabierna anochi tur hende por a admir’e ora cu a inaugur’e.
Tur diabierna anochi tin fiesta na Djiespi’s Place y Robert
Candelaria tabata presente pa celebra cu tur presente.
Den e ultimo 2 dianan Robert Candelaria y su team a traha
duro cu hopi satisfaccion. Hopi hende a yega pa mira, pero
tambe a join pa traha den un ambiente ameno.
E intencion no ta pa tin esaki so, pero a disfruta di e fiesta
y a combersa. Mas importante ta cu a scucha esnan den rol-
stoel, hendenan cu no por move mes facil cu nos.
A ricibi un lista di lugarnan cu e personanan aki kier pa bira
acesibel. Esaki a pone cu a cuminsa dal e pasonan cu pa nan
ta halto.
Ta importante cu tur compania, tur fundacion, tur organ-
isacion den nos comunidad cu tin mester di ta acesibel, pa
nan tambe dal e paso pa construi rampanan special.
Por a mira e anochi aki un otro proyecto di Aruba Doet, a
traha un rampa di palo movibel, pa por yega kita y pone.
No mester ta grandi ni profesional asina, pero por traha un
simpel mes. Cada un a pensa con pa yuda esnan cu tin me-
nos facilidad di move manera nos. E idea ta cu nan calidad
di bida mester ta mescos cu di tur hende.
Loke cu ta importante ta pa haci’e hunto cu comunidad.
E lista di lugarnan cu ta desea pa ta mas acesibel ta inclui
lugarnan pariba y pabou di brug, entre otro Setar y Postkan-
toor. A acerca DOW y pidi e condicionnan, kico ta locual
mester cumpli cun’e pa por traha e rampanan.
Fraccion di AVP a haci e proyecto aki hunto cu Aruba Doet.
Ta importante cu mas organisacion traha hunto y ta envolvi,
ta plama e conscientisacion di e otro proyecto di rampa mo-
bil. Asina mester sigui, traha hunto cu otro relacionnan, pla-
mando e mensahe. Haciendo asina aki ta motiva y stimula
otronan pa nan tambe join e movemento.
