Page 16 - KPA

Noticia di Polis: Homber

burachi den Franse Pas

Published on April 24, 2017 in Suceso
ORANJESTAD, Aruba

Diahuebs, pa mas of menos 10’or di anochi, Central ta manda patruya na un cas na
Nuñe, pa dos mucha homber sospechoso. Segun e denunciante, e dama P., el a mira
un bicicleta poni serca di un cura di cas di su omo, bibando na e adres ey. Tambe e por
a mira un hoben cu e siguiente descripcion: Un tshirt shinishi y un carson cortico color
berde, un rugtas riba su lomba, di edad entre 14 y 19 aña. Despues el a mira un otro
hoben cu un tshirt blanco y un carson preto, cu celular den man. Segun P. e di dos
mucha homber tabata mas cortico cu e otro. P. a mira cu ambos hoben tabata wak na e
cas di su omo y despues a cana bay. Esaki a sosode rond di 8’or di anochi, rond di 9’or
y mey, el a mira e mesun hobennan cu e bicicleta na su cura di cas. Ora cu el a bay
corenan, y mesora nan a somenta di e sitio. Polis a controla den vecindario, pero no a
topa cu nan. Central a wordo poni na altura.

Noticia di Polis:

Brommer sospechoso

banda di The Mill

Published on April 24, 2017 in Suceso
ORANJESTAD, Aruba

Pa mas of menos 1’or y mey di marduga diahuebs, Central ta dirigi patruya den
vecindario di “The Mill Resort” pa un brommer sospechoso. Polis a ricibi informacion di
central cu lo tabata trata di un motor dirt bike color cora y blanco. Yegando na e sitio,
polis a mira dicho dirt bik y mesora ta para e conductor na altura di e resort. A base di
informacion di central cu tabatin basta atraco den dicho vecindario, e conductor a wordo
ristra na su paña. Un sombechi a wordo haya den su rugtas. El a duna esaki
voluntariamente na polis, cual a wordo entrega na comandante na warda. Fuera di
esey, no tabatin ningun eventualidad. Central a wordo poni na altura.