Page 17 - KPA

Noticia di Polis: Dos

waverunner ta dal den

otro

Published on April 24, 2017 in Suceso
ORANJESTAD, Aruba

Diahuebs, pa mas of menos 3’or y 40 di atardi, Central a manda patruya di Strand
Politie na Eagle Beach, banda pabao di Oceania, debi cu na accidente entre
waverunner. Eynan a papia cu e homber yama AG na Pair A Dice Watersport, kende
tabata turista riba nos isla y cu a bin cu e crucero “Adventure of the Seas”. A. a conta cu
su yiu homber durante un buelta cu un waverunner, a accidenta cu un otro waverunner.
A. a conta cu mientras tanto e daño a wordo cubri. Polis a mira e waverunna Yamaha
V-1, color geel cu blanco, cu number di registracion A-2246. Polis a constata un scheur
di mas of menos shete duim na banda robes di e waverunner. Polis a papia cu doño di
“Pair a Dice Watersport”, e homber yama L, kende a conta cu e daño a wordo cubri y
tur cos ta na ordo. Turista A. a duna doño di e compania 250 dollar y cu D. di su banda
a duna un recibo na A. Central a wordo poni na altura.

Noticia di Polis: Adicto

ambulante tabata loer

den autonan staciona

Published on April 24, 2017 in Suceso
ORANJESTAD, Aruba

Diahuebs, pa mas of menos, pa mas of menos 1’or y 20 di marduga, Central ta manda
patruya na The Paddock situa riba LG Smith Boulevard, pa molester di un adicto
ambulante. Na e sitio polis a papia cu un trahado, yama G., kende a conta cu el a mira
con un adicto ambulante tabata loer den un auto. Posiblemente e lo tabata haci esaki
pa comete ladronicia. Segun G. e adicto ambulante tabata bisti den un short blanco
cortico y un tshirt color blauw. E tabatin un bicicleta cun’e. Na yegada di polis, no a topa
cu e adicto ambulante mas na e sitio.Polis a busca den vecindario pa dicho persona,
pero no a topa cun’e Central a wordo poni na altura.